Skip to content

श्याम को मेलो आयो है भजन कृष्ण भजन लिरिक्स

  • by
0 2590

फागण में खाटू भगता को
रेलो आयो है
श्याम को मेलो आयो है
श्याम को मेलो आयो हैं।।

रंगीलो फागण आयो
श्याम को न्योतो आयो
भक्ता की टोली आवे
ध्वजा भी संग ले जावे
जयकारो म्हारा श्याम धणी को
खूब गुंजायो है
श्याम को मेलो आयो हैं
श्याम को मेलो आयो हैं।।

भगत सब नाचे गावे
मस्ती में रंग उड़ावे
दरश पाकर बाबा का
सेवकिया मौज उड़ावे
भक्ता पर म्हारा श्याम धणी को
जादू छायो है
श्याम को मेलो आयो हैं
श्याम को मेलो आयो हैं।।

सजी है खाटू नगरिया
लगे है आज दुल्हनिया
भगत सब बण्या बारात
बण्या दूल्हा सांवरिया
केसर चन्द तिलक लगा
बैठ्यो मुस्कायो है
श्याम को मेलो आयो हैं
श्याम को मेलो आयो हैं।।

कोई तो ढोल मझीरा
और कोई चंग बजावे
कोई पग बाँध के घुंगरू
नाच के श्याम रिझावे
फागण का मेला में खूब यो
रंग जमायो है
श्याम को मेलो आयो हैं
श्याम को मेलो आयो हैं।।

जो भी फागण में आवे
मुरादा मन की पावे
दोन्यूं हाथां से भर भर
सांवरो माल लुटावे
पूरा होसी काम
अमन जो सोच के आयो है

श्याम को मेलो आयो हैं
श्याम को मेलो आयो हैं।।

फागण में खाटू भगता को
रेलो आयो है
श्याम को मेलो आयो है
श्याम को मेलो आयो हैं।।

Leave a Reply

Your email address will not be published.