Skip to content

बालम काना में गूंजे है म्हारे हेलो श्याम को भजन कृष्ण भजन लिरिक्स

0 962

बालम काना में गूंजे है,
म्हारे हेलो श्याम को,
इबके म्हाने भी ले चालो,
आयो मेलो श्याम को,
सजनी दोरों घणो लागे,
म्हानें गेलों श्याम को,
कईयां जावां कोनी छुट्टे,
यो झमेलो काम को,
बालम कानां में गूंजे है,
म्हारे हेलो श्याम को।।

तड़का उठता ही बालम,
म्हाने हिचकी आवे,
संध्या यू लागे सांवरियों,
बांसुरी बजावे,
सोवां रात में तो सपनों,
आवे खाटू धाम को,
बालम कानां में गूंजे है,
म्हारे हेलो श्याम को।।

कहिजे थारे सांवरिया ने,
विनती म्हारी खास,
फागण के महीने हो,
सरकारी अवकाश,
आ जावे मनीआर्डर घर पे,
बैठ्यों म्हारे नाम को,
सजनी दोरों घणों लागे,
म्हानें गेलो श्याम को,
बालम कानां में गूंजे है,
म्हारे हेलो श्याम को।।

टेडा सु ठटाई बालम,
चौकी कोनी लागे,
म्हारे सुख के खातिर बाबो,
रात रात भर जागे,
बिन मांग्यां भंडारा भर दे,
ऐसो दर है श्याम को,

बालम कानां में गूंजे है,
म्हारे हेलो श्याम को।।

खाटू वाले श्याम जी के,
जाईवां द्यों,
मनड़े थी आस ने,
पुराईवा द्यों,
चालो गोरी आपां दोनूं,
चालां खाटूधाम,
मन की बातां जाणे बाबो,
बोलण को के काम,
‘गोलू’ छोड़ सारो झमेलो,
नाम लेवां श्याम को।।

बालम कानां में गूंजे है,
म्हारे हेलो श्याम को,
देखी थारी सकलाई जी,
खाटू वाला श्याम,
दर्श तुरंत ही वो पावे,
जो लेवे थारो नाम।।

बालम काना में गूंजे है,
म्हारे हेलो श्याम को,
इबके म्हाने भी ले चालो,
आयो मेलो श्याम को,
सजनी दोरों घणो लागे,
म्हानें गेलों श्याम को,
कईयां जावां कोनी छुट्टे,
यो झमेलो काम को,
बालम कानां में गूंजे है,
म्हारे हेलो श्याम को।।

2 thoughts on “बालम काना में गूंजे है म्हारे हेलो श्याम को भजन कृष्ण भजन लिरिक्स”

  1. Pingback: फागुन मेला श्याम धणी का फिर से आया है भजन कृष्ण भजन लिरिक्स - Fb-site.com

  2. Pingback: Krishna Bhajan Lyrics In Hindi - Fb-site.com

Leave a Reply

Your email address will not be published.