Skip to content

काना थाने दुनिया बतावे माखन चोर भजन कृष्ण भजन लिरिक्स

0 1776

काना सारी,
दुनिया बतावै थांनै चोर,
काना थाने,
दुनिया बतावे माखन चोर,
चोरी करबो छोडो जी,
म्हासूं रिस्तो जोडो जी,
कन्हैया चितचोर।।

काना थांनै,
चोरी की कंईंया पड़ग्यी बांण,
म्हानै औ समझावो जी,
जी को भरम मिटावो जी,
कन्हैया चितचोर।।

काना थे छो,
सृष्टि रा सिरजनहार,
थांरै कांईं घाटो जी,
मन मं चुभ रयो कांटो जी,
कन्हैया चितचोर।।

काना थां पै,
तन-मन-धन द्यूं वार,
नैण सूं नैण मिलावो जी,
थोड़ा सा मुस्कावो जी,
कन्हैया चितचोर।।

कानूड़ा प्यारा,
माखण री कांईं ओकात,
नन्दू समझ न पावै जी,
गोपी नाच नचावै जी,
कन्हैया चितचोर।।

काना सारी,
दुनिया बतावै थांनै चोर,
काना थाने,
दुनिया बतावे माखन चोर,
चोरी करबो छोडो जी,
म्हासूं रिस्तो जोडो जी,
कन्हैया चितचोर।।

1 thought on “काना थाने दुनिया बतावे माखन चोर भजन कृष्ण भजन लिरिक्स”

  1. Pingback: म्हारा सांवरिया सिरमौर थारा बंद दरवाजा खोल कृष्ण भजन लिरिक्स - Fb-site.com

Leave a Reply

Your email address will not be published.