उबी मंदिर माही हरि का,
कोड करे कर्मा बाई।
दोहा – पुजारी पुष्कर गयो,
कह गयो प्रभात की,
आज सेवा साजस्यु,
त्रिभुवन पती दीनानाथ की।
ल्याई खाटो खिचङो,
मनुहार मारा हाथ की,
कर्मा मारो नाम प्रभू जी,
जाटणी हु जात की।
उबी मंदिर माही हरि का,
कोड करे कर्मा बाई,
कोड करे कर्मा बाई,
थारा गुण गावे कर्मा बाई।।
कोड करन्ती कर्मा बाई,
हरखी हरखी मन्दिर आई,
अब क्यू देर करो रघुराई,
बतलावो मुख बोल,
दाशी की मनशा भर जावे,
दर्शन द्यो पट खोल जी,
थाका कोड करे कर्मा बाई,
थारा गुण गावे कर्मा बाई।।
दर्शन दिया सरै जुग तारण,
जैसे फिरयो मन्दिर को बारण,
आज नाथ भक्ता रे कारण,
सन्मुख ऊबो आय,
फेर मिल्यो मीरा बाई ने,
चित्र कोट मे जाय जी,
थाका कोड करे कर्मा बाई,
थारा गुण गावे कर्मा बाई।।
चित्र कोट मे चन्दण घसायो,
कबीरा के घर बालद ल्यायो,
नाम देव को छपरो छायो,
कर कर मनमे कोड,
धन्ना भक्त को खेत निपजायो,
बिना बीज रण छोङ जी,
थाका कोड करे कर्मा बाई,
थारा गुण गावे कर्मा बाई।।
खाय रिश खम्भा के दिनी,
मरबा की मनमे धर लिनी,
जद सावरो रक्षा किनी,
आडा दिना हाथ,
अन्तर पुट की ओट करया बिना,
किया जिमू भात जी,
थाका कोड करे कर्मा बाई,
थारा गुण गावे कर्मा बाई।।
बाल भोग कछु नही लिनु,
धाबलिया को परदो किनु,
मेवा मगद मिठाई तिनु,
कछु नही आया याद,
कर्मा थारो खिचङो माने,
लाग्यो घणु स्वाद जी,
थाका कोड करे कर्मा बाई,
थारा गुण गावे कर्मा बाई।।
सारी सेवा सफल कर डारी,
आप बङे हो हे गीरधारी,
सुवा पढावत गणिका तारी,
थे नन्द जी का लाल,
लच्छी राम गुणियन को चाकर,
गुण गावे गौपाल जी,
थाका कोड करे कर्मा बाई,
थारा गुण गावे कर्मा बाई।।
उबी मन्दिर माही हरि का,
कोड करे कर्मा बाई,
कोड करे कर्मा बाई,
थारा गुण गावे कर्मा बाई।।
- पिछम धरा रा राज वीरा जग में परचा भारी रामदेवजी भजन
- rajasthani bhajan lyrics old
- आज यो श्रृंगार दादी कितनो प्यारो प्यारो है भजन राजस्थानी भजन लिरिक्स
- पिछम धरा सु म्हारा पीरजी पधारिया रामदेवजी आरती
- घुंघटियो आड़े आग्यो जी थाने देख कोणी पाई बाबा श्याम
- मैं वारी जाऊं रे बलिहारी जाऊं रे म्हारे सतगुरु आंगण आया
- गुरुदेव पिलादी वो अमर ओम जड़ी भजन राजस्थानी भजन लिरिक्स
- थारे खुशी पड़े तो मानजे रे सतगुरु समझावे रे राजस्थानी भजन लिरिक्स
- म्हारा सतगुरु दिनी रे बतायेे दलाली हिरा लालन की
- इंद्र राजा म्हारी अर्ज सांभलो जी भजन राजस्थानी भजन लिरिक्स
- गुरु मिलिया आत्म राम प्रकाश माली भजन राजस्थानी भजन लिरिक्स
- जो कोई जावे सत री संगत में राजस्थानी भजन राजस्थानी भजन लिरिक्स
- रामसा लीले चढे ने वेगा आवजो राजस्थानी भजन
- कान्हा थारे वास्ते मोहन थारे वास्ते भजन राजस्थानी भजन लिरिक्स
- top 25 rajasthani bhajan lyrics
- ऊँचा ऊँचा डूंगर पे जोगणिया थारा देवरा राजस्थानी भजन लिरिक्स
- दुनिया भोली रे भोली हरदम करे ठिठोली राजस्थानी भजन लिरिक्स